સંતને સંતપણા રે મનવા નથી મફતમાં મળતા

સંતને સંતપણા રે મનવા નથી મફતમાં મળતા,

નથી મફતમાં મળતા રે એના મૂલ ચૂકવવા પડતાં.

                                  સંતને સંતપણા રે...

ભરી બજારે કોઈ વેચાણા. કોઈ તેલ કડામાં બળતા (૨)

કાયા કાપી કાંટે તોળી કોઈ હેમાળો ગળતા.

                                  સંતને સંતપણા રે...

કરવત મેલી માથા વેર્યાને કાળજા કાપીને ધરતા (૨)

ઝેર પીધાં ને જેલું ભોગવી સાધુડા સુળીએ ચડતા.

                                  સંતને સંતપણા રે...

પ્યારા પુત્રનું મસ્તક ખાંડીને ભોગ સાધુને ધરતા (૨)

ઘરની નારી દાનમાં દેતાં, જેના દિલ જરી નવ ડરતા.

                                  સંતને સંતપણા રે...

પર દુઃખેરે જેનો આતમ દુઃખીયો રુદિયો જેના રડતાં (૨)

માન મોહને મમતા ત્યાગી જઈને બ્રહ્મમાં ભળતા.

                                  સંતને સંતપણા રે...

ગુરુ પ્રતાપે ભણે પુરુષોતમ જેના ચોપડે નામ ચડતા (૨)

એવા સંતને ભજતા જીવડાં ભવના બંધન ટળતા.

                                  સંતને સંતપણા રે...

આવકારો મીઠો આપજે રે

એજી તારા આંગણીયા પૂછીને જે કોઈ આવે રે.

                           આવકારો મીઠો આપજે રે.

એજી તારે કાને રે સંકટ કોઈ સંભળાવે રે,

                           બને તો થોડું કાપજે રે...

માનવીની પાસે કોઈ માનવી ન આવે રે.

એજી તારા દિવસની પાસે રે દુખિયા આવે રે.

                           આવકારો મીઠો...

“કેમ તમે આવ્યા છો ?” એમ નવ કહેજે રે.

એજી એને માથું રે હલાવી હોંકારો તું દેજે રે.

                           આવકારો મીઠો...

‘કાગ’ એને પાણી પાજે, સાથે બેસી ખાજે રે,

એજી એને ઝાંપા રે સુધી તું મેલવા જાજે રે.

                           આવકારો મીઠો...

ભાવે ભજીલ્યો ભગવાન

તમે ભાવે ભજીલ્યો ભગવાન જીવન થોડું રહ્યું.

કંઈક આત્માનું કરજો કલ્યાણ જીવન થોડું રહ્યું.

એને દીધેલ કોલ તમે ભૂલી ગયા,

જુઠી માયાને મોહમાં ઘેલા થયા.

         ચેતો ચેતો શું ભૂલ્યા છો ભાન. જીવન થોડું રહ્યું...

બાળપણને જુવાનીમાં અડધું ગયું.

નથી ભક્તિના મારગમાં ડગલું ભર્યું.

         હવે બાકી છે તેમાં દયો ધ્યાન. જીવન થોડું રહ્યું...

પછી ઘડપણમાં શંકર ભજાશે નહિ,

લોભ વૈભવ ને ધનને તજાશે નહિ.

         બનો આજથી પ્રભુમાં મસ્તાન. જીવન થોડું રહ્યું...

જરા ચેતીને ભક્તિનું ભાતું ભરો,

કઈંક ડર તો પ્રભુજીનો દિલમાં ધરો,

         છીએ થોડા દિવસના મહેમાન. જીવન થોડું રહ્યું...

પછી આળસમાં દીન બધા વીતી જાશે,

પછી ઓચિંતું યમનું તેડું થશે,

         નહિ ચાલે તમારું તોફાન. જીવન થોડું રહ્યું...

આ બંગલાનો બાંધનાર કેવો

આ બંગલાનો બાંધનાર કેવો..આ બંગલો કોણે બનાવ્યો

લોઢું નથી આમાં લાકડું નથી રે, નથી ખીલા નથી ખીલી ...આ બંગલો...

ઇંટો નથી આમાં ચૂનો નથી રે, નથી સિમેન્ટ નથી રેતી ...આ બંગલો...

આરે બંગલામાં દશ દરવાજા, નવસો નવાણું છે નાડી આ ...

કડિયા કારીગરની કારીગરી કેવી, પાણીની બાંધી હવેલી ...આ બંગલો...

બંગલો બનાવી જીવાભાઇને પધરાવ્યા નથી દેતાં કાંઈ ભાડું ...આ બંગલો...

નટવર શેઠની નોટીસો આવી, અમારાં ચોપડામાં નામું...આ બંગલો ખાલી કરવાનો

ઉઠો જીવાભાઈ જમડા બોલાવે, માલિકની ખૂટી મહેરબાની...આ બંગલો...

બુદ્ધિ શેઠાણી શેઠને સમજાવે, હવે સમજો તો કાંઇક સારું...આ બંગલો...

પાછું વળીને શું જુઓ છો જીવાભાઈ ખૂટી મહેરબાની...આ બંગલો...

જીવલડો ડરીને ગયો પ્રભુ શરણે, તારશે પ્રેમ નગરવાળો...આ બંગલો...

આચાર્યની ભરતી

• પ્રાથમિક શાળાઓમાં કરવામાં આવતી ભરતી માટે ૫ વર્ષનો અનુભવ જરૂરી છે. જેની વિશેષ માહિતી લેવા અહીં ક્લિક કરો.
• આ ભરતી પ્રક્રિયા માટે મુખ્ય શિક્ષક માટેની અભિયોગ્યતા કસોટી પાસ કરવી પડશે જેના પ્રશ્નપત્રના માળખાની માહિતી જાણવા અહી ક્લિક કરો.