જો યાદ અમારી આવે તો દિલથી યાદ કરી લેજો,
કોઈ સાથ અગર ન આપે તો એક સાદ કરી લેજો.
દર્દ તમારા દિલનું અમને આપીને જાજો,
ને ખુશીયો વહેંચવામાં અમને બાદ કરી લેજો,
જો યાદ અમારી આવે તો દિલથી યાદ કરી લેજો.
સપનાઓની દુનિયામાં તમે રોજ મળી લેજો,
ને ક્યારેક એમ જ લાગણીની બથ ભરી લેજો,
જો યાદ અમારી આવે તો દિલથી યાદ કરી લેજો.
મૌનની ભાષા ઘટી પડે તો વાત કરી લેજો,
ને આંખ મળે જો અમથી તો આંખ ભરી દેજો.
જો યાદ અમારી આવે તો દિલથી યાદ કરી લેજો.
જે વાત કોઈ કાન ધરે નહિ એ વાત કરી લેજો,
ફરી મળશે નહિ ક્યારેય એમ આ રાત જીવી લેજો,
જો યાદ અમારી આવે તો દિલથી યાદ કરી લેજો.
જો હોય અગર કોઈ ગુસ્સો તો ક્રોધ કરી લેજો,
અહી ગરદન ઝુકાવી બેઠો છું વાર કરી લેજો,
જો યાદ અમારી આવે તો દિલથી યાદ કરી લેજો.
મળે જો કોઈ સંગાથ નવો તો સાથ કરી લેજો,
'આનંદ' એના પ્રેમની રેખા હાથ કરી લેજો.
જો યાદ અમારી આવે તો દિલથી યાદ કરી લેજો.
