સોમવાર, 13 મે, 2013

શિક્ષક

તકદીરોને શણગારું છું,
ભટકતાને સંભાળું છું,
શિક્ષક થઈને દિનકરની જેમ,
નવી સવાર બનાવું છું.

ગીતો અનેરાં ગાવું છું,
વાર્તાઓ સંભળાવું છું,
શબ્દો રૂપી ચિનગારીથી,
સંસ્કારનો દીપ જલાવું છું.

માતા બનીને વારુ છું,
પિતા બની સમજાવું છું,
એક જ રૂપ ને રંગથી
અલગ અલગ વેશ ભજવું છું.

હું પ્રેમની એક સરવાણી છું,
હું ગીતાની અમૃતવાણી છું,
નાતજાતને ધર્મથી જુદો
હું ગૌતમ બુદ્ધની જુબાની છું.


હું સરસ્વતીનો દીકરો છું,
હું વિદ્યાર્થીનો પ્યારો છું,
‘આનંદ’ અંધકારમાં ટમટમતો
એક અનોખો સિતારો છું.